Comedor

O Colexio dispón de comedor escolar con servizo de catering a cargo da empresa Aixiña que cociña os seus alimentos con produtos naturais para ofrecer un menú san e equilibrado supervisado por expertos nutricionistas co fin de dar resposta ás necesidades de cada dieta concreta e atender ás diferentes intolerancias.
O servizo desenvólvese desde as 14:00 h ata as 15:30 h, inclúe a comida e un tempo de lecer ambos supervisados por persoal propio do centro e da empresa do catering.
Pódese facer uso do servizo de comedor durante todo o curso ou ben os días que fose necesario.
Para calquera dubida ou cuestión relacionada co comedor,  as familias poden solicitar información ou unha entrevista por email administracion@divinomaestrofeourense.com ou no teléfono 988.217.800.

• MENÚ DECEMBRO– BAIXO EN GRAXA – MENÚ SEN PORCO E SEN ATÚN – MENÚ SEN LACTOSA – MENÚ SEN SALMÓN

• ALÉRXENOS DECEMBRO

• NOVEMBRO– BAIXO EN GRAXA – MENÚ SEN PORCO E SEN ATÚN – MENÚ SEN LACTOSA – MENÚ SEN SALMÓN

• ALÉRXENOS NOVEMBRO

As persoas que integran o servizo de comedor, responsable, monitores e alumn@s acóllense aos mesmos dereitos e deberes que están definidos no Título I artigos 4 ao 7 do Regulamento de Réxime Interior do Centro, así coma no Plan de Convivencia.

Dereitos específicos:

Os alumn@s teñen dereito a:

• Ser tratados con respecto e sen discriminación de ningún tipo, tanto por parte dos compañeir@s de comedor, como de todo o persoal  que está ao fronte deste servizo.
• Unha dieta que aporte as substancias nutritivas que o neno necesita para o seu normal desenvolvemento e que complete a alimentación recibida na súa casa.
• Que o período da comida sexa un momento de goce, de falar cos compañeir@s e de intercambio de experiencias.

Deberes específicos:

Os alumn@s teñen o deber de:

• Obedecer ao persoal do comedor.
• Presentarse debidamente limpos e aseados.
• Antes e despois das comidas teñen que lavarse as mans. Para elo cada alumno traerá diariamente da súa casa unha bolsa de aseo que incluirá  cepillo e pasta dental.
• Os nenos de infantil e 1º ciclo de primaria deben traer un “babi” para uso exclusivo do comedor.
• Entrar cando o indiquen os monitores, en fila, e coa maior orde posible.
• Sentarse correctamente e no lugar asignado polos monitor@s.
• Realizar a oración conxunta para bendicir os alimentos.
• Facer bo uso dos cubertos, vasos e materiais de comedor.
• Comer, alo menos, unha cantidade mínima e variada. Ningún alumn@ deixará de comer o menú correspondente, salvo advertencia formulada polos pais ou titores legais. En ningún caso se aplicarán correctivos que recaian na alimentación, nin por exceso, nin por defecto. A inapetencia continuada será obxecto de comunicación aos pais por parte da persoa do comedor.
• Permanecerán sentados durante toda a comida, si necesitan algo levantarán a man, abandonarán o comedor só por indicación dos seus monitores. Despois da comida, poden facer uso dos espazos que se teñan apalabrados co Colexio para tal fin, podendo ocupar o tempo de lecer en actividades complementarias, sempre baixo a vixilancia dos seus respectivos monitor@s.
• Ningún alumn@ poderá saír do Colexio no horario de comedor salvo comunicación por escrito dos pais e cunha  persoa responsable que se faga cargo de dito alumn@.